26 чэрвеня 2016 г. – 75 гадоў з пачатку дзейнасці аднаго з першых на Беларусі партызанскага атрада пад кіраўніцтвам В. З. Каржа (Пінск; 1941), які правёў першы бой ў гісторыі партызанскага руху Вялікай Айчыннай вайны
Адзін з першых на Беларусі партызанскіх атрадаў быў арганізаваны па ўказанні Пінскага абласнога камітэта КП(б)Б 26 чэрвеня 1941 года. У атрад ўвайшоў партыйна-савецкі актыў г. Пінска Пінскай (цяпер Брэсцкай) вобласці. Узначаліў атрад загадчык сектара абкама Васілій Захаравіч Корж (1899–1967), які ў мэтах канспірацыі ўзяў псеўданім «Камароў». У атрадзе набралося 60 чалавек, іх раздзялілі на тры групы – па 20 байцоў у кожным. Некалькі дзён атрад ахоўваў вакзал, друкарню, вёў разведку на дарогах.
15 лютага 2015 г. – 100 гадоў з дня нараджэння Івана Канстанцінавіча Кабушкіна (1915–1943), удзельніка Мінскага патрыятычнага падполля ў Вялікую Айчынную вайну, арганізатара і выканаўца дзёрзкіх дыверсій супраць гітлераўскіх акупацыйных уладаў, Героя
Іван Канстанцінавіч Кабушкін (сапраўднае Кабушка) нарадзіўся 15 лютага 1915 года ў вёсцы Малахоўцы Баранавіцкага павета (цяпер Баранавіцкага раёна Брэсцкай вобласці) у сялянскай сям’і. Яшчэ дзіцём з сям’ёй апынуўся ў Казані (цяпер сталіца Рэспублікі Татарстан) у сувязі з падзеямі Першай сусветнай вайны.
24 снежня 2015 г. – 110 гадоў з дня нараджэння Мікалая Фёдаравіча Іконнікава (1905–1944), удзельніка вызвалення Беларусі ў часы Вялікай Айчыннай вайны, савецкага военачальніка
Мікалай Фёдаравіч Іконнікаў нарадзіўся 24 снежня 1905 года ў г. Какчатаў (цяпер г. Какшатаў у Казахстане).
15 лістапада 2014 г. – 90 гадоў з дня нараджэння Анатоля Ільіча Зосіка (1924–2003), удзельніка вызвалення Беларусі ў Вялікую Айчынную вайну, поўнага кавалера ордэна Славы
Анатоль Ільіч Зосік нарадзіўся 15 лістапада 1924 года ў вёсцы Гурка (з 1976 г. у складзе вёскі Закозель Драгічынскага раёна Брэсцкай вобласці) у сялянскай сям’і. З дзяцінства ведаў сялянскую працу, дапамагаў бацьку па гаспадарцы. З 1940 года жыў у свайго дзядулі ў в. Хідры, дзе і застала яго вайна.
18 жніўня 2014 г. – 105 гадоў з дня нараджэння Івана Іванавіча Валасевіча (1909–1941), удзельніка савецка-фінляндскай 1939–1940 гг. і Вялікай Айчыннай войнаў, Героя Савецкага Саюза (1940)
Іван Іванавіч Валасевіч нарадзіўся 18 жніўня 1909 года ў вёсцы Ціхны Пружанскага павета Гродзенскай губерні (цяпер Першамайскага сельсавета Бярозаўскага раёна Брэсцкай вобалсці) у сям’і рабочых.
17 жніўня 2014 г. – 110 гадоў з дня нараджэння Аляксандры Іванаўны Федасюк (1904–1995), дзеяча рэвалюцыйнага руху ў Заходняй Беларусі, удзельніцы партызанскага руху ў гады Вялікай Айчыннай вайны
Аляксандра Іванаўна Федасюк нарадзілася 17 жніўня 1904 года ў беднай сялянскай сям’і ў вёсцы Андронава Кобрынскага павета (цяпер Кобрынскага раёна Брэсцкай вобласці).
Аляксандра Федасюк у 1925 годзе ўступіла ў КПЗБ, у хуткім часе стала прафесійнай рэвалюцыянеркай, падпольшчыцай, выконвала адказныя партыйныя даручэнні. Агенты польскай дэфензівы праследавалі актыўнага работніка, тройчы арыштоўвалі і заключалі ў турму (1927, 1930–1931, 1937–1939), разлучалі з маленькай дачкой. З вялікай цяжкасцю таварышам па барацьбе ўдалося пераправіць дзяўчынку праз мяжу, у Мінск, да бацькі Мікалая Маслоўскага, віднага камсамольскага работніка, які таксама працаваў у Заходняй Беларусі.
27 лютага 2013 г. – 110 гадоў з дня нараджэння Міхаіла Васільевіча Хоцімскага (1903–1986), ваеннага дзеяча, удзельніка вызвалення Беларусі ў Вялікую Айчынную вайну, Героя Савецкага Саюза
Міхаіл Васільевіч Хоцімскінарадзіўся 27 лютага 1903 года ў сям’i рабочага ў мястэчку Шарашова Пружанскага павета (цяпер г. п. Шарашова Пружанскага раёна Брэсцкай вобласці). Закончыў тры класы вучылiшча ў Пружанах. З 1914 года жыў у г.Маскве, працаваў слесарам на чыгунцы.